ԵՊԲՀ. Քննարկում գիտակրթական հարցերի շուրջ

ԵՊԲՀ գիտության գծով պրոռեկտոր Կոնստանտին Ենկոյանը հանդիպեց «Increasing Capacity in Research in Eastern Europe, ICREATE» (Հետազոտական ներուժի զարգացումը Արևելյան Եվրոպայում) միջազգային ծրագրի շրջանակներում Հայաստան այցելած գիտնականների ԱՄՆ-ից, Ռումինիայից, Մոլդովայից, Վրաստանից, Բոսնիա և Հերցոգովինայից, Խորվաթիայից։

Հանդիպման ընթացքում խոսվեց մի շարք գիտակրթական հարցերի և հետագա համագործակցությունների վերաբերյալ։ Քննարկման ընթացքում առանձնահատուկ ուշադրություն դարձվեց արևելյան եվրոպական երկրներում PhD կրթության և գիտական աստիճանաշնորհման մեխանիզմներին, մասնավորապես գիտական տպագրություններին, քննարկելով Ռումինիայի, Մոլդովայի, Բոսնիա և Հերցոգովինիայի, Վրաստանի փորձը, որտեղ պաշտպանության դուրս գալու համար պարտադիր պայման է ունենալ ազդեցության գործոնով (impact factor) տպագրություններ, որոնց քանակը և ազդեցության գործոնի արժեքը տարբերվում է երկրից երկիր, բայց գաղափարային առումով մոտեցումը նույնն է՝ պարտադիր է ազդեցության գործոնով տպագրությունը։

Հետաքրքիր է, որ հարևան Վրաստանը այդ քաղաքականությունը որդեգրել է 2011թ. բուհերի և այն գիտական կազմակերպությունների մակարդակով, որոնք իրականացնում են աստիճանաշնորհումը։ Հանդիպումն ավարտվեց պլանավորված ծրագրերի իրականացման և հետագա համագործակցությունների պայմանավորվածությամբ։

Հարցեր, պատասխաններ, մեկնաբանություններ